शासकीय अभ्यासक्रम व मान्यता यांची चौकट अक्षरनंदनने स्वीकारली आहे. अभ्यासक्रम शिकवण्यासाठी पाठ्यपुस्तक हे एक महत्त्वाचं संसाधन आहे. पण मुलांचे शिकणं कोणत्याच टप्प्यावर केवळ ‘पुस्तकबंद’ व ‘परीक्षाभिमुख’ राहू नये यासाठी मुलांना विविध शैक्षणिक अनुभव दिले जातात. या अनुभवांंतून मुलांचं शिकणं अधिक आनंददायी व अर्थपूर्ण व्हावंं, महत्त्वाची जीवनमूल्यंं त्यांच्यामध्ये रुजावीत म्हणून आवर्जून प्रयत्न केले जातात.

स्वभाषेच्या माध्यमातून आणि आजूबाजूच्या पर्यावरणातून मूल शिकतंं तेव्हा शिकणं सहजपणे घडतंं. शिकलेल्या गोष्टी व्यक्तिमत्त्वाचा अविभाज्य भाग बनतात. म्हणूनच अक्षरनंदनचे माध्यम मराठी आहे.

अक्षरनंदनमध्ये परीक्षा असते पण गुणाानुक्रम काढून हुशार-ढ असे शिक्के मारण्यासाठी नाही. खरंंतर ‘परीक्षा’ केवळ मुलांची नसतेच; शिकणंं-शिकवणंं प्रक्रियेतून मुलांपर्यंत काय काय आणि किती पोहोचलंं याचीही चाचणी मूल्यमापनाच्या प्रक्रियेतून होते.