चौकटीत राहून चौकटी बाहेर जाणारी शाळा – पाटीच्या आकारात. शासकीय अभ्यासक्रम व मान्यता यांची चौकट अक्षरनंदन ने स्वीकारली आहे. अभ्यासक्रम शिकवण्यासाठी पाठ्यपुस्तक हे एक महत्त्वाचे संसाधन आहे. पण मुलांचे शिकणे कोणत्याच टप्प्यावर केवळ ‘पुस्तकबंद’ व ‘परीक्षाभिमुख’ राहू नये यासाठी मुलांना विविध शैक्षणिक अनुभव दिले जातात. या अनुभवातून मुलांचे शिकणे अधिक आनंदही व अर्थपूर्ण व्हावे, महत्त्वाचे जीवनमूल्य त्यांच्यामध्ये रुजावीत म्हणून आवर्जून प्रयत्न केले जातात. स्वभाषेच्या माध्यमातून आणि आजूबाजूच्या पर्यावरणातून मूल शिकते तेव्हा शिकणे सहजपणे घडते. शिकलेले व्यक्तिमत्त्वाच्या अविभाज्य भाग बनते म्हणूनच अक्षरनंदन चे माध्यम मराठी आहे.